Пилотот кој во понеделникот загина во авионска несреќа во областа Велика Планина во Словенија е Карл Лундстром (64), шведски претприемач, поранешен политичар и косопственик на светски познатата пиратскa веб-страница „The Pirate Bay“, пренесува хрватски Индекс.
Неговата смрт ја потврди и шведската крајнодесничарска партија Алтернатива за Шведска, чиј член беше од основањето на партијата во 2018 година, објавија шведските медиуми.
„Денеска добивме трагична и незамислива вест. Карл Лундстром, легенда и ветеран на шведскиот национализам, загина во авионска несреќа во понеделникот. Тој полета со својот авион „Муни М-20“ од Загреб, на пат за Свети Мориц во Швајцарија, но се урна во Словенија“, пишува партијата.
Авионот полета од Загреб во понеделникот и се урна во областа Велика Планина во Словенија. Спасувачките тимови најпрвин открија делови од кабината кој се урна во планинска куќичка во сопственост на Машинскиот факултет во Љубљана, а во вторник го пронајдоа телото.
Причината за несреќата уште не е позната.
Контроверзниот националист Карл Лундстром остана запаметен и по тоа што го негираше Холокаустот на Фејсбук.
