Портпаролот на Кремљ Дмитриј Песков потврди дека рускиот претседател во вторник телефонски ќе разговара со неговиот американскиот колега, јави „Гардијан“.
Запрашан за планираниот повик меѓу Владимир Путин и Доналд Трамп, Песков рече:
– Да, така е. Таков разговор е планиран за вторник.
Претседателот на САД, Доналд Трамп, најави дека планира во вторникот да разговара со претседателот на Русија, Владимир Путин.
– Со Путин ќе разговарам во вторник. Завршена е многу работа во текот на викендот. Сакаме да видиме дали можеме да ја завршиме војната. Можеби можеме, можеби не можеме, но мислам дека имаме многу добри шанси – изјави американскиот претседател.
Трамп додаде и дека со Путин ќе разговара „за земја“, „за електрани“ и „за поделба на одредени средства“.
