Пејачката во друштво на маж кој носи морничава кукла бебе

Славната пејачка Бритни Спирс беше „уловена“ на аеродромот во Мексико во друштво на непознат маж кој во рацете држел кукла бебе која ја прекрил со ќебе.

Многумина минувачи ја забележале необичната глетка на славната Бритни, која носела црн дуксер, кој го искомбинирала со шорцеви, сандали и очила за сонце, пишува „Пејџ сикс“.

- Advertisement -

Поп принцезата, како што ја нарекуваат Бритни, веќе изненади со своето необично однесување кога пред неколку години во видео ја покажа истата кукла бебе на своите следбеници.

„Луѓе, добив бебе, станав мајка. Правам мала пауза од секојдневното снимање дома! Нејзината соба е прекрасна и се вика Бренан… дури и личиме! Моето прво девојче!“, изјавила таа.

Според најновите информации, Бритни Спирс и нејзиниот партнер Пол Солиз повторно раскинале во февруари 2025 година. Нивната врска беше позната по честите раскинувања и помирувања, а претходно се разделија во јули 2024 година поради сомневање дека Солиз го искористува нејзиниот животен стил. По последното раскинување, Солиз го напушти домот на Бритни во областа Лос Анџелес, пишува „Пејџ сикс“.

Во меѓувреме, Бритни исто така предизвика загриженост кај обожавателите поради своите објави на социјалните мрежи, особено поради провокативните фотографии на кои позира гола.

Пејачката во своите мемоари „Жената во мене“ објасни дека ужива во таквото изразување, бидејќи често била фотографирана во текот на кариерата, а сега се чувствува слободна да ја покаже својата убавина и сензуалност. Меѓутоа, некои обожаватели изразија загриженост, коментирајќи дека нејзиното однесување е невообичаено и дека може да побара помош.