Фокусирањето на квалитетен сон за децата може да биде предизвик, особено кога станува збор за воспоставување добри навики кои ќе им помогнат полесно да заспијат и да имаат мирен сон.
Иако рутините и навиките за спиење често стануваат нестабилни, одредена храна може да игра клучна улога во подобрувањето на сонот и релаксацијата. Овие намирници не само што можат да им помогнат на децата побрзо да заспијат, туку и да го направат нивниот сон поквалитетен и помирен.
Триптофан, аминокиселина која се наоѓа во различни намирници, како млечни производи, банани, овес, јаткасти плодови и семки од сончоглед, е претходник на хормоните серотонин и мелатонин, кои го регулираат нашиот сон. Конзумирањето на храна богата со оваа состојка може значително да го подобри квалитетот на сонот.
Дополнително, зачините како морско оревче и цимет се исто така познати по нивната способност да помогнат да се намали несоницата и да се подобри длабочината на сонот. На пример, подготовката на вечерна каша со млеко, банана и морско оревче може да биде едноставен и ефикасен трик за опуштање пред спиење.
Со овие намирници и неколку здрави навики, можете да им помогнете на вашите деца да имаат помирен и подлабок сон што им е потребен за раст и развој, пренесува klix.ba.
