Разбивме шеми, преку кои се избегнувало плаќањe на царинските услуги. Само во првиот месец од нашето доаѓање ја зголемивме наплатата за 16,6%, изјави директорот на Царинската управа Бобан Николовски на синоќешниот поткаст „ВМРО-ДПМНЕ Зборува”.
– 35 половни моторни возила се одземени. Нивната вредност е 20 милиони денари. Притоа се избегнати давачки кон државата од 9 милиони денари. Во шемата учествувале шпедиции, царински службеници, автоплацеви и увозниците, односно транспортери на возилата кои што од запад ги носеле тука – рече Николовски.
Тој посочи дека само во месец јули, кога е назначен за раководител на институцијата е наплатена рекордна месечна сума од 12 милијарди денари.
Николовски рече дека главен проблем во Царината бил неефикасноста во раководењето.
– Буџетот не се полнел онолку колку што треба да се полни, одредени позиции претпоставуваме дека се злоупотребувале, односно користеле повеќе за лични или партиски интереси, отколку за интересите на државата – рече Николовски.
