Орбан: Новиот план на Брисел е објава на војна против Унгарија

Топ Вести - Слушај сега

Унгарскиот премиер Виктор Орбан објави порака во која остро ги критикува Брисел и Киев, тврдејќи дека постои план за забрзано пристапување на Украина во Европската Унија и дека таков потег претставува закана за унгарските интереси.Повторно, тој ја напаѓа „бриселската елита“

- Advertisement -

Орбан изјави дека „бриселската елита“, повикувајќи се на написите на порталот Политико, го објавила најновиот „воен план на Брисел и Киев“, имено планот од пет точки на украинскиот претседател Володимир Зеленски. Според овие извори, планот предвидува Украина да стане членка на Европската Унија веќе во 2027 година.

Унгарскиот премиер го оцени таквиот потег како „отворена објава на војна против Унгарија“. Во својата објава, тој тврди дека волјата на унгарските граѓани се игнорира и дека се прават напори за отстранување на сегашната унгарска влада од власт.

Орбан, исто така, тврдеше дека Брисел сака партијата Тиса да дојде на власт во Унгарија, бидејќи, како што вели тој, тоа би значело крај на унгарското вето и отпорот кон одредени одлуки на ЕУ, вклучително и оние поврзани со војната во Украина.

Во порака, тој ги повика гласачите да ја поддржат неговата партија Фидес на претстојните избори во април. „Фидес е единствената сила што стои меѓу Унгарија и властите во Брисел и единствената гаранција за унгарскиот суверенитет“, рече Орбан.

Најавата на Орбан доаѓа во контекст на долгогодишните тензии меѓу Будимпешта и Брисел, особено околу прашањето за поддршка на Украина, санкциите врз Русија и понатамошното проширување на Европската Унија.