Охриѓанец осомничен за 3 дела поврзани со семејно насилство

Јавен обвинител од Основното јавно обвинителство Охрид поведе постапка против 45-годишен охриѓанец. Осомничен е за три кривични дела поврзани со семејно насилство. Обвинителството бара притвор поради ризик од повторување на делата и од можност за бегство.

Станува збор за делата телесна повреда, загрозување на сигурноста и неизвршување на судска одлука.

На 24 март во семејниот дом осомничениот физички го нападнал својот 10-годишен син удирајќи го со тупаници, шамари и клоци. Во еден момент го фатил за коса и го подигнал од подот. Насилството било брутално и продолжено.

- Advertisement -

Покрај физичкото насилство, подолг период упатувал сериозни закани. Со тоа ја загрозил сигурноста на сопругата.

„Ваквото семејно насилство осомничениот го вршел иако имал активно изречени судски мерки за заштита“, соопшти обвинителството.