ОХРИДСКАЈ : МАКЕДОНИЈО, СРЕЌЕН ТИ ИЛИНДЕН – ДЕНОТ НА ТВОЈАТА СЛОБОДА!

До македонскиот народ по повод 2 август – Денот на Републиката

Почитувани сограѓани,

По повод 2 август – Денот на Републиката и празникот Илинден, Редакцијата “Охридска” им упатува најсрдечни честитки на сите Македонци каде и да се наоѓаат.

- Advertisement -

Овој свет ден ги обединува два историски момента кои го обележаа патот на македонскиот народ кон слободата. Илинденското востание од 1903 година, предводено од Гоце Делчев, Даме Груев и другите херои на ВМОРО, го запали факелот на македонската борба за независност. Крушевската република стана симбол на македонската државност и непокорливост пред туѓинските окупатори.

Четириесет и една година подоцна, на истиот ден – 2 август 1944 година, во манастирот Свети Прохор Пчињски се одржа Првото заседание на АСНОМ, каде што се постави темелот на модерната македонска држава. Македонските партизани и народноослободителните борци ја продолжија традицијата на борбата за слобода, создавајќи ја Народна Република Македонија како рамноправна држава во рамките на Југославија.

Од убавиот Охрид, градот на светлината и културата, му посакуваме на македонскиот народ да ги чува овие свети традиции. Нека храброста на илинденците од 1903 и решителноста на партизаните од 1944 продолжат да нè инспирираат кон единство, напредок и достоинствена иднина.

Среќен Илинден на сите!

Редакција “Охридска”
Охрид, 2025 година