Од утре стартува примената на „Безбеден град“ – Тошковски вели дека целта не е за парично да се оштетат граѓаните, туку да се спасат животи

Топ Вести - Слушај сега

Од утре стартува примената на „Безбеден град“. Повеќе нема да има опомени за оние кои што ќе сторат прекршок, туку ќе се изрекуваат казни согласно системот кој што го имплементираме. Овој систем не е систем за казнување, туку има за цел да ја подигнеме безбедноста во сообраќајот, и при тоа спасиме еден човечки живот повеќе, оти човековиот живот нема цена, вели министерот за внатрешни работи Панче Тошковски.

- Advertisement -

Тој  информира дека од вчера во примена е нов Правилник со кој се зголемува прагот на толеранција за возачите.

– Сега за брзини до 50км/ч останува како што беше и претходно, толеранција од 6км/ч. Тоа значи дека ако возите моторно возило таму каде што имаме знак од 30 км/ч, со 36км/ч камерата нема да ве евидентира за сторен сообраќаен прекршок, туку ќе ве евидентира од 37км/ч. Од 50 до 100 км/ч толеранцијата законски согласно новиот правилник е 9км/ч, тоа значи дека ако управувате моторно возило таму каде што е дозвилено до 50км/ч, со 51км/ч камерата ќе ве евидентира и ќе ви прати порака, односно ќе ве казни системот доколку управувате моторно возило со 60км/ч. Таму каде што имаме ограничување од 100км/ч а се управува возило со над 101км/ч моторно возило камерата ќе ве идентификува со толеранција од 12км/ч, значи таму би биле санкционирани доколку е дозволено да речеме 100км/ч, а вие управувате на пример со 113км/час – рече Тошковски.

Тој додаде дека овие толеранции се дефинирани во рамки на правилник под Министерството за енергетика и се сметаат за прифатливи со цел овој систем да заживее.

– Притоа да ги увериме граѓаните дека целта не ни е казнување, туку целта ни е помалку повредени, помалку сообраќајни незгоди, помалку загуби на човечки животи рече Тошковски.

Министерот во контекст на безбедноста во сообраќајот најави уште еден проект кој ќе се имлементира во наредните денови со поддршка на Македонски телеком.

-За сите овие прекршоци кои се сторуваат во рамки на толеранцијата, значи ако е забрането над 30км/ч од 30-36км/ч, ако е забрането над 50км/ч од 50-59км/ч ќе доставуваме информативна порака од страна на Министерството за внатрешни работи до секој еден граѓанин кој што ја пречекорил брзината со која што ќе им го привлечеме вниманието на граѓаните дека и покрај тоа што возат во рамки на законската толеранција која што е дозволена нема да има парична казна, односно нема да има прекршок, тие надминуваат над законски уврдената брзина со што доколку не дај боже кој било граѓанин управува моторно возило и стори сообраќаен прекршок со 55км/ч таму каде што е дозволено да се управува моторно возило максимум со 50км/ч и притоа повреди пешак со тешки телесни повреди, ќе одговара кривично -рече Тошковски.