Објавени нови информации за здравјето на папата Франциско

Папата Франциско, кој е во болница повеќе од три недели, помина „мирна ноќ“, објави во понеделникот Ватикан, откако еден ден претходно папата упати порака со благодарност до лекарите.

Здравствената состојба на поглаварот на Католичката црква, кој почна добро да реагира на лекувањето за билатерална пневмонија, покажа „благо подобрување“, објави Ватикан за време на викендот.

„Папата помина мирна ноќ, одморајќи се“, се вели во извештајот за здравјето на Папата објавен во понеделник наутро.

- Advertisement -

Во пишаниот текст за Ангел Господов во неделата, Папата им се заблагодари на сите што им помагаат на луѓето во неволја, вклучително и на неговите лекари и на целиот медицински персонал што се грижи за него.

Папата, избран на 13 март 2013 година, имаше голем број здравствени проблеми, од операција на дебелото црево во 2021 година до хернија во 2023 година, но ова е неговиот најдолг престој во болница досега во неговиот понтификат.