Нов самит на европските лидери ќе се одржи следниот четврток во Париз

Нов самит на европските лидери ќе се одржи следниот четврток во Париз, најави францускиот претседател Емануел Макрон. Самитот доаѓа по состанокот на лидерите во Брисел. Целта на новиот самит е да се надоврзе на напредокот постигнат на разговорите на воено ниво вчера во Лондон.

„Ќе ја финализираме нашата работа за поддршка на украинската армија и ќе изградиме одржлив и отпорен воен модел за да ги спречиме идните руски инвазии. Ние, исто така, ќе ги дефинираме безбедносните гаранции што можат да ги обезбедат европските сили. Ние сакаме да го заштитиме мирот “, напиша Макрон на Икс.

На самитот освен лидерите на Велика Британија, Полска и Германија ќе присуствува и украинскиот претседател Володимир Зеленски за да разговара за тековните напори за ставање крај на војната, безбедносните гаранции за Киев и зголемената помош за неговата земја, изјавија двајца дипломати.

- Advertisement -

Макрон и британскиот премиер Кир Стармер ја предводат иницијативата за формирање на таканаречена „коалиција на волните“, која би била составена од нации подготвени да понудат војници или поддршка на мировните сили во случај да се постигне мировен договор за запирање на војната меѓу Русија и Украина, која трае повеќе од три години, потсетува ДПА.

Велика Британија и Франција во принцип ја покажаа својата отвореност за испраќање копнени трупи во Украина. Сепак, тие инсистираат на вклучување на САД во случај на ескалација.

Австралискиот премиер Ентони Албанез изјави дека и неговата земја размислува да испрати војници.

Неименуван дипломат рече дека Канада и Италија биле поканети, иако другите не можеле да го потврдат нивното присуство.