Северна Кореја ќе испрати илјадници припадници на инженеријата и деминери во Русија, најави денеска од Пјонгјанг секретарот на рускиот Совет за безбедност, Сергеј Шојгу.
Како што претходно јавија руските медиуми, Шојгу е во посета на Северна Кореја „во рамките на специјална мисија“ и најверојатно ќе се сретне и со севернокорејскиот лидер Ким Јонг Ун.
Шојгу во Пјонгјанг беше и на почетокот од месецот, кога оствари средба со Ким.
Северна Кореја испрати илјадници војници и големо количество конвенционално оружје, како поддршка на Русија во војната против Украина.
