Нетанјаху се сними за да ги исмее гласините дека е мртов

Топ Вести - Слушај сега

Израелскиот премиер Бенјамин Нетанјаху објави снимкаа со која ги демантира гласините дека загинал во ирански напад. Со иронија и со шега, тој порача дека е жив и дека граѓаните треба да продолжат со секојдневниот живот, но со претпазливост.

„Го сакам мојот народ до смрт“

- Advertisement -

Во видеото, снимeно во мало кафуле, Нетанјаху нарачува кафе и со насмевка изговара реченица што предизвика лавина реакции.

– Умрев… за кафе – рече израелскиот премиер.

Фразата е чест израз во хебрејскиот јазик. Се користи кога некој силно посакува нешто.

Потоа Нетанјаху испрати порака и до граѓаните.

– Го сакам мојот народ до смрт – изјави тој.

Премиерот додаде дека е горд на начинот на кој Израелците се однесуваат во време на војна.

Одговор на теориите за „вештачки Нетанјаху“

Видеото доаѓа по бран гласини на социјалните мрежи. Дел од профилите тврдеа дека претходната прес-конференција на премиерот била генерирана со вештачка интелигенција.

Некои објави дури тврдеа дека на снимките Нетанјаху има 6 прсти на едната рака. Затоа во новото видео премиерот ги крена двете раце и јасно ги покажа сите десет прсти.

Со тоа симболично ги исмеа теориите на заговор што кружат на интернет.

Еве како изгледаше проблематичното видео од наводна прес-конференција на Нетанјаху кое крена прашина во јавноста.

Порака до граѓаните во време на војна

Нетанјаху ги повика граѓаните да излезат од домовите и да земат свеж воздух. Сепак, предупреди да останат блиску до засолништата поради можни напади.

Ситуацијата во регионот останува напната. Иран и Израел секојдневно разменуваат напади.

Утринава израелската армија објави дека започнала копнена офанзива за „проширување на тампон зоната“ во Јужен Либан.