Најмалку седум лица загинаа во пад на мал авион во Мексико

Топ Вести - Слушај сега

Најмалку седум лица загинаа во пад на мал авион во централно Мексико, кој се урна за време на итно слетување, соопштија локалните власти.

- Advertisement -

Координаторот за цивилна заштита на државата Мексико, Адриан Ернандез, изјави дека несреќата се случила во градот Сан Матео Атенко, во индустриска зона на околу пет километри од аеродромот Толука и околу 50 километри западно од Мексико Сити, објави АП.

Авионот полетал од Акапулко, на брегот на Мексико во Тихоокеанскиот Океан.

Ернандез изјави дека во авионот имало осум патници и двајца членови на екипажот, но дека само седум тела биле пронајдени неколку часа по падот.

Тој рече дека авионот очигледно се обидел да слета на блиското фудбалско игралиште, но удрил во металниот покрив на бизнис, предизвикувајќи голем пожар.

Причината за несреќата е под истрага.

Градоначалничката на Сан Матео Атенко, Ана Муниз, изјави дека околу 130 лица биле евакуирани од областа поради пожарот.