Најмалку 21 лице загина во експлозија, проследена со пожар во голем магацин за огномет во Западна Индија.
Шест лица се повредени во експлозијата што се случи во државата Гуџарат, објавија агенцијата ПТИ и други индиски медиуми, повикувајќи се на локалните власти.
Повеќето од жртвите биле работници во зградата.
Соопштено е дека во магацинот можеби нелегално се складирале и се произведувале пиротехнички средства.
По инцидентот, уапсен е сопственикот на објектот и започна истрага за причините за експлозијата.
