Најмалку 19 лица се повредени во земјотресот со јачина од 6,1 степен според Рихтер, изјави турскиот министер за здравство, Кемал Мемисоглу.Тој рече дека четворица од 19-те повредени се повредени од скокови и паѓања и дека се пуштени дома откако им е укажана лекарска помош, објави „Милиет“. „Сите повредени се во добра состојба и нивното лекување продолжува во болниците. Им посакувам брзо закрепнување“, рече Мемисоглу.
Според последните извештаи, во земјотресот нема жртви, а се урнаа три згради и една продавница.
Земјотресот го погоди западниот дел на Турција доцна во понеделникот навечер во близина на градот Синдирги, а беше почувствуван и во Истанбул и делови од Грција.
Сведоци велат дека потресот бил силен и долготраен. По главниот удар, следела серија послаби последователни потреси.
