Просечната цена на електричната енергија на берзата HUPX за петок, 30 мај 2025 година, изнесува 57,04 евра за еден мегават час, додека на Македонската берза за електрична енергија – MEMO – цената е речиси идентична и достигна 57,28 евра за мегават час, покажуваат податоците од ЕДС Инфо Поинт.
Во текот на дневните часови, од 9:00 до 15:00 часот, кога производството од фотоволтаици е највисоко (solar peak), цената на HUPX падна до 12,80 евра, а на македонската MEMO берза достигна 10,35 евра за мегават час.
Покрај цените на електричната енергија, беа објавени и пазарните движења на природниот гас. На унгарската берза CEEGEX, гасот се тргува по 40,69 евра, додека според холандскиот индекс TTF Dutch – по 35,23 евра.
Од компанијата ЕДС велат дека редовното следење на цените и состојбите на енергетските пазари може да им помогне и на домаќинствата и на деловните субјекти во поефикасно планирање на потрошувачката.
„Во услови на променлива глобална енергетска динамика, подигнувањето на свеста за рационална потрошувачка и редовно подмирување на обврските е клучно за зачувување на стабилноста на снабдувањето со електрична енергија. Информациите за движењата на цените се значајни алатки што им овозможуваат на потрошувачите да носат попаметни одлуки и да остварат заштеди“, соопштија од ЕДС.
Од компанијата додаваат дека преку вакви извештаи сакаат да овозможат транспарентен увид во енергетскиот пазар и да го поттикнат рационалното трошење и информираното буџетирање.
