На 53-годишна возраст денеска ненадејно почина Матија Дедиќ

На 53-годишна возраст денеска ненадејно почина Матија Дедиќ. Беше исклучителен хрватски џез пијанист и композитор, познат е по својот виртуозен стил и спој на џезот со елементи на класичната музика и домашни музички традиции.

Матија е син на познатите хрватски пејачи Арсен Дедиќ и Габи Новак.

Студирал пијано во Грац, а во текот на својата кариера соработувал со бројни домашни и странски музичари.

- Advertisement -

Една од неговите највпечатливи работи е албумот „Матија го свири Арсен“, каде што ја преработи музиката на својот татко на трогателен и уметнички силен начин.

Тој е добитник на неколку награди, меѓу кои и на „Порин“,  најпрестижната хрватска музичка награда.