Министерството за внатрешни работи денеска ја извести јавноста дека неколку граѓани и правни лица добиле лажни покани поврзани со наводна истрага, испратени од сторители кои лажно се претставуваат во име на МВР и ЕВРОПОЛ

Министерството за внатрешни работи денеска ја извести јавноста дека неколку граѓани и правни лица добиле лажни покани поврзани со наводна истрага, испратени од сторители кои лажно се претставуваат во име на МВР и ЕВРОПОЛ.

„Апелираме до граѓаните да не наседнуваат на ваквите измами“, порачуваат од МВР, посочувајќи дека Секторот за компјутерски криминал веќе презема мерки за идентификација и законско санкционирање на сторителите.

Од Секторот додаваат и важни препораки за заштита: „Граѓаните и правните субјекти не треба да отвораат прикачени документи кои доаѓаат од непознати или неверификувани испраќачи, ниту да одговараат на сомнителни пораки“.

- Advertisement -

Освен тоа, се препорачува компаниите да преземат соодветни мерки за заштита на своите компјутерски системи од потенцијален малициозен софтвер, во согласност со нивните интерни политики за сајбер безбедност.