Маск: Време е да ги напуштиме ОН и НАТО“

Милијардерот Илон Маск, еден од најблиските соработници на американскиот претседател Доналд Трамп, изјави дека САД треба да ги напуштат Обединетите нации (ОН) и НАТО.

Ова Маск  го кажа во одговор на објава на поддржувач на Трамп на X кој напиша: „Време е да ги напуштиме ОН и НАТО“.

Маск одговори: „Се согласувам“.

- Advertisement -

Маск не даде образложение за тоа. Тој во минатото тврдеше дека САД имаат несразмерна количина на моќ на НАТО и се прашуваше зошто НАТО продолжи да постои по распадот на Советскиот Сојуз.

Маск, исто така, претходно изјави дека САД трошат премногу пари за ОН. Минатата фискална година Конгресот одобри 1,54 милијарди долари за основниот буџет на ОН. САД финансираат и други ентитети на ОН.

Оваа најава доаѓа во време на зголемени тензии меѓу САД и ЕУ и Украина во контекст на војната и напорите на Трамп за прекин на огнот.

Трамп претходно најави и презеде одредени повлекувања од меѓународните организации, додека трансатлантскиот сојуз и мултилатерализмот не му значат многу.

Администрацијата на Трамп сега се фокусира на билатералните односи, на затоплување на односите со Русија, а потоа сака да го пренасочи својот фокус на ривалството со Кина.

Сепак, напуштањето на ОН би било потег без преседан со несогледливи последици за меѓународниот поредок.