МАКЕДОНЕЦ ОГРАБУВАЛ ОБЛОЖУВАЛНИЦИ И ПОШТИ ВО СРБИЈА

Топ Вести - Слушај сега

Полицијата во Краљево го уапси В. Г. (43) од Македонија, осомничен дека претходно влегол во обложувалници и пошти на територијата на тој град со фанткомка на главата и, под закана со пиштол, одзел повеќе од 700.000 динари од вработените.

- Advertisement -

Како што соопшти Полициската управа во Краљево, тој е уапсен поради постоење основи на сомнение дека сторил пет кривични дела разбојништво.

При претрес на станот на осомничениот, полицијата пронашла пари во различни апоени, фантомка и реплика на пиштол за кој се сомнева дека го користел при извршување на кривичното дело.

На осомничениот му е одреден притвор до 48 часа и ќе биде приведен во Основното јавно обвинителство во Краљево со кривична пријава.