Купуваат на попусти, но не се откажуваат од свежа храна

Зголемувањето на цените на храната во Германија ги принуди многу луѓе да ги преиспитаат своите навики за трошење, според нова анкета на Институтот Југов.

Повеќе од половина од испитаниците, 57%, изјавиле дека поради зголемувањето на цените, ги трошат парите повнимателно. Oколу половина од нив  сега одат во продавница со попусти почесто отколку во супермаркет.

Анкетата ја спроведе Институтот Југов помеѓу 3 и 5 септември, а учествуваа 2.009 лица.

- Advertisement -

Дури 71% од луѓето кои го промениле начинот на купување сега обрнуваат поголемо внимание на промоциите и попустите отколку порано. Една третина купуваат поретко или помалку.

Сепак, малкумина сакаат да се откажат од свежи производи. Речиси 56% изјавиле дека ги купуваат исто толку колку и порано, додека 5% изјавиле дека сега имаат уште повеќе од овие намирници во својата кошничка.

Особено е значаен фактот дека дури 84% од потрошувачите кои ги промениле своите навики се повнимателни отколку порано да не фрлаат храна.

Тие се обидуваат да купуваат повнимателно, да ја користат преостанатата храна на нови начини, а речиси половина од нив имаат поголема веројатност да јадат храна со поминат рок, ако таа изгледа добро.

Статистиката го потврдува трендот. Минатата година, стапката на раст на цените на храната беше само 1,4%, додека оваа година повторно се зголеми и достигна околу 2,2% во јули.