Кумановка измамена од вработен во туристичка агенција

Вработен од туристичка агенција од Скопје зел кеш 2.000 евра од муштерика од Куманово, на која не ѝ дал сметка за уплатата на аранжманот, потоа не ѝ го овозможил платеното патување, а на крајот не одговарал на нејзините повици.

„На 28.10.2025 година во СВР Скопје 28-годишна жена од кумановско пријави дека била измамена од лице вработено во туристичка агенција во Скопје за сума од 2.000 евра. Според пријавеното, кон крајот на февруари 2025 година, таа отишла во агенцијата да изврши уплата за патување, при што лицето кое работело побарало парите да ги даде на рака веднаш, а сметката за извршената уплата да ѝ биде дадена во наредните денови. Таа неколку пати се обидела да го контактира телефонски, при што лицето ѝ кажало дека не може да ги обезбеди потребните документи за патување, а откако побарала парите да ѝ бидат вратени, лицето не одговорило на повиците“, соопшти денеска полицијата.

Се преземаат мерки за расчистување на случајот, се додава во соопштението.