КОНКУРС за доделување стипендии на редовни ученици запишани во јавните и приватните средни училишта во Република Северна Македонија

Топ Вести - Слушај сега

Врз основа на член 50 став 1 точка 16 од Законот за локална самоуправа „(Сл.весник на РМ“ бр.5/02), член 39 став 1 точка 9 од Статутот на Општина Дебрца, како и Правилникот за доделување стипендии на редовни ученици запишани во јавните и приватните средни училишта во Република Северна Македонија, број 01-342/1 од 12.03.2026 година, Градоначалникот на општина Дебрца објавува:

 

КОНКУРС

за доделување стипендии на редовни ученици запишани во јавните и приватните средни училишта во Република Северна Македонија

1. Воведни напомени

Општина Дебрца доделува стипендии на редовни ученици од општина  Дебрца запишани во јавните и приватните средни училишта во Република С. Македонија. Ученичките стипендии се доделуваат со цел поттикнување на образованието и постигнување високи резултати во учењето, поддршка на талентирани ученици,  поддршка на ученици кои потекнуваат од социјално ранливи семејства, поддршка на ученици со ретки болести и ученици со посебни потреби.

Стипендиите се доделуваат за 9 (девет) месеци во текот на една учебна година.

Износот на стипендијата изнесува 2.500,00 денари месечно.

Стипендиите се доделуваат во три категории:

А) Стипендии за ученици со висок успех во студирањето;

Б) Стипендии за ученици кои потекнуваат од социјално ранливи категории на семејства;

В) Стипендии за ученици со ретки болести и ученици со посебни потреби.

Стипендиите се неповратни.

А) Стипендии за ученици со висок успех во студирањето;

Право на стипендија за успех имаат ученици кои ги исполнуваат следните услови:

 да се редовни ученици во средно училиште;

1. да се жители на општина Дебрца;
2. да не повторувале година во текот на школувањето;
3. да не се корисници на друга стипендија;
4. да имаат постигнато висок успех во учењето.

 Минималниот просечен успех за добивање стипендија за успех изнесува:

– континуиран одличен успех од претходните години;

– за учениците од I година да имаат континуиран одличен успех во текот на Основното образование ;

 Начин на пријавување

 Кандидатите кои се пријавуваат на Конкурсот, треба да го пополнат потребниот образец за пријава поставен на интернет страната www.debrca.gov.mk или да го подигнат во пријавницата на Општина Дебрца.

Со пријавата потребно е да ги достават следните документи:

1.Копија од извод од матичната книга на родени;

2.Копија од трансакциска сметка;

3.Потврда дека е редовен ученик во учебната 2025/2026 година ;

4.Копија од Свидетелства од претходните завршени години на образование ( кандидатите од I година доставуваат свидетелства од VI до IX одделение) ;

5. Фотокопии од дипломи за освоени награди на државни и меѓународни натпревари ;
6. Изјава потпишана од родител-старател дека доставените документи се вистинити

7.Изјава од родител – стартел дека ученикот не е корисник на друга стипендија;

8. Изјава потпишана од родител – старател за обработка на личните податоци.

 

Б) Стипендии за ученици кои потекнуваат од социјално ранливи категории на семејства;

Право на стипендии за редовни ученици кои живеат во потешки социјални услови, имаат кандидатите кои ги исполнуваат следните услови:

1. да се жители на општина Дебрца;
2. да се редовни ученици во средно училиште;
3. да живеат во потешки социјални услови (со вкупни примања во семејството од максимум две минимални плати) – (ученици кои потекнуваат од семејства каде има невработени родители, самохран родител, без родител, од семејства кои се социјални случаи – приматели на еднократна или постојана парична помош, ученикот од прва линија во семејството има лице со посебни потреби или ретки болести);
4. да не се корисници на стипендија од други институции;

Минималниот просечен успех за добивање стипендија за успех изнесува:

– најмалку континуиран добар успех, или- континуиран многу добар успех во од VI до IX одделение за учениците од прва година.

Начин на пријавување

Кандидатите кои се пријавуваат на Конкурсот, треба да го пополнат потребниот образец за пријава поставен на интернет страната www.debrca.gov.mk или да го подигнат во пријавницата на Општина Дебрца.

Со пријавата потребно е да ги достават некој од следните документи: (согласно категоријата по која аплицираат)

1. Копија од извод од матичната книга на родени;
2. Потврда дека е редовен ученик во учебната 2025/2026 година
3. Копија од трансакциска сметка;
4. Копија од Свидетелства од претходните завршени години на образование ( кандидатите од I година доставуваат свидетелства од VI до IX одделение) ;
5. Потврда за висината на примања (Годишна пријава) на сите членови на семејството на ученикот издадена од УЈП;
6. Копија од извод на умрени за ученици од самохран родител или без родители, Копија од Решение од Суд за развод на брак за ученик од самохран родител;
7. Копија од потврда дека семејството е корисник на социјална помош;
8. Изјава потпишана од родител-старател дека доставените документи се вистинити

9. Изјава од родител – стартел дека ученикот не е корисник на друга стипендија;

10. Изјава потпишана од родител – старател за обработка на личните податоци.

 

В) Стипендии за ученици со ретки болести и ученици со посебни потреби;

Право на стипендии за редовни ученици со ретки болести и ученици со посебни потреби, имаат кандидатите кои ги исполнуваат следните услови:

1. да се жители на општина Дебрца;
2. да се редовни ученици во средно училиште;
3. да имаат медицинска документација или потврда од надлежна здравствена институција за ученици со ретки болести;
4. решение или медицинска документација за утврден степен на попреченост за ученици со посебни потреби.
5. да не се корисници на стипендија од други институции;

Минималниот просечен успех за добивање стипендија за успех изнесува:

– најмалку континуиран добар успех, или- континуиран многу добар успех во од VI до IX одделение за учениците од прва година.

 Начин на пријавување

Кандидатите кои се пријавуваат на Конкурсот, треба да го пополнат потребниот образец за пријава поставен на интернет страната www.debrca.gov.mk или да го подигнат во пријавницата на Општина Дебрца.

Со пријавата потребно е да ги достават некој од следните документи: (согласно категоријата по која аплицираат)

1. Копија од извод од матичната книга на родени;
2. Потврда дека е редовен ученик во учебната 2025/2026 година
3. Копија од трансакциска сметка;
4. Копија од Свидетелства од претходните завршени години на образование ( кандидатите од I година доставуваат свидетелства од VI до IX одделение) ;
5. Дијагноза утврдена од надлежна здравствена институција со која се евидентирани во Регистарот на лица со ретки болести во Република Северна Македонија;
6. Соодветно решение или медицинска документација издадена од надлежна институција за Студенти со посебни потреби (лица со попреченост).
7. Изјава потпишана од родител-старател дека доставените документи се вистинити

8. Изјава од родител – стартел дека ученикот не е корисник на друга стипендија;

9. Изјава потпишана од родител – старател за обработка на личните податоци.

Конкурсот се објавува на огласна табла во општината и на ВЕБ страната на општината.

Конкурсот трае 20 дена од денот на објавување, односно најдоцна до 04.04.2026 година.

Пријавите со потребните документи, учениците треба да ги достават по пошта, на адреса : Општина Дебрца, 6344 село Белчишта, во затворен плик , со назнака : „За Комисијата за спроведување на Конкурсот за доделување на ученички и студентски стипендии “ или лично во архивата на општина Дебрца.

Ранг листата со избраните кандидати ќе биде објавена на :  www.debrca.gov.mk

1. ЗАВРШНИ ОДРЕДБИ

Со секој ученик на кој му е доделена стипендија ќе биде склучен посебен Договор во кој подетално ќе се уредат начинот и условите за користење на стипендијата.

На ученикот кој ќе даде лажни податоци поврзани со остварувањето на правото на стипендија ќе му биде раскинат Договорот за користење на стипендијата, а исплатените средства е должен да ги врати на општината.

 

Прилог:Пријава и Изјави

Градоначалник

                                                                                                          Златко Сиљаноски