Веројатно знаете дека калциумот е важен за здрави коски и силни мускули. Но, помалку е познато дека магнезиумот е неопходен за правилно функционирање на срцето. Овој минерал, кој нашето тело го користи за стотици биохемиски процеси, игра клучна улога во одржувањето на нормален срцев ритам и стабилен крвен притисок.
Што прави магнезиумот во телото?
Според Everydayhealth, магнезиумот е важен за:
зајакнување на коските,
функција на мускулите и нервите,
контрола на шеќерот во крвта,
стабилен срцев ритам и крвен притисок.
Телото на просечен возрасен содржи околу 25 грама магнезиум – претежно во коските, а остатокот во меките ткива. Препорачаниот дневен внес за мажи над 31 година е 420 мг, а за жени, 320 мг.
„Навистина не можете да имате премногу магнезиум, бидејќи здраво тело лесно може да го елиминира ако има вишок“, вели д-р Кристофер ДеСимон од клиниката Мајо.
Како се регулираат нивоата на магнезиум?
Бубрезите и цревата играат главна улога, кои заедно ја регулираат неговата апсорпција и екскреција. Кај здрави лица, ретко се јавува нерамнотежа, додека кај луѓе со бубрежни заболувања, може да се појави прекумерно задржување или губење на магнезиум.
Срцето и магнезиумот – неразделна врска
Магнезиумот е важен електролит кој влијае на клетките одговорни за електрични импулси, особено во срцето. Тој обезбедува правилен транспорт на калциум и калиум – други електролити клучни за нормален срцев ритам.
„Магнезиумот е неопходен за мускулна контракција и правилно функционирање на срцевиот мускул“, вели клиничката фармацевтка д-р Кристен Кемпбел.
Недостатокот на овој минерал може да предизвика:
мускулни грчеви,
аритмии (неправилен срцев ритам),
прескокнување на отчукувањата,
атријална фибрилација (AFIB),
тешки нарушувања на ритамот во долните комори на срцето, што може да биде опасно по живот.
Кој е изложен на ризик од недостаток на магнезиум?
Недостатокот на магнезиум е под влијание на:
стареење – намалена апсорпција и зголемено излачување,
лоша исхрана и неухранетост,
алкохолизам,
болести како што се Кронова болест и улцерозен колитис,
обемни изгореници,
бременост со компликации (прееклампсија).
Според истражувањата, ниските нивоа на магнезиум можат да го зголемат ризикот од кардиоваскуларни заболувања и нарушувања на срцевиот ритам.
Совет: Ако имате аритмии, мускулни грчеви или сте под стрес, можеби ви недостасува магнезиум. Консултирајте се со вашиот лекар за можна суплементација со овој важен минерал.
