Нема да престане нашата борба и по 18-те години од пресудата, напиша Зорица Чавкова, ќерка на Митко Чавков, кој е осуден на 18 години затввор за настаните од 27 април 2017 година во Собранието, за делото терористичко загрозување на уставниот поредок.
„…Шкембар со значка се досетил седејќи во кафана… ај ќе напишам на салфетка една службена белешка, демек Чавков планира бегство демек, ќе измислам дека има имот во Халкиди, демек во вилата таму ќе се криел. Ќе ја доставам салфетката кај Русковска, ќе избројам до 3 и Чавков оди во ефективен притвор поради планирано бегство! КАКВИ ФИНГИРОВКИ, КАКВИ МОНСТРУМИ, КАКВА БАНАНА ДРЖАВА!!! И? НЕ УМИРАМ ДУР НЕ ВЕ ВИДАМ ВО ЗАТВОР ЗА САЛФЕТКАТА, ЗА СРАМНИОТ ПРЕДЛОГ ЗА ПРИТВОР, ЗА СУДСКАТА ОДЛУКА ЗА ПРИТВОР ВРЗ ОСНОВА НА САЛФЕТКА СО ОПЕРАТИВНИ СОЗНАНИЈА НАПИШАНА ОД ШКЕМБАР ВО КАФАНА! НИЕ СМЕ СПРЕМНИ НА повеќе од 18 години истрајност и борба во разоткривање на криминалната мрежа создадена за апсење невини луѓе, на кои им налепија етикета ТЕРОРИСТИЧКО ЗАГРОЗУВАЊЕ на устваниот поредок на банана државичево. Борбата наша нема да престане по изминување на 18 години од пресудата, ој криминалци“, објави Чавкова на Фејсбук.
Нит имињата нит презимињата имам потреба да ги запишам, додава таа.
„Ќе ви го памтам вечно монструозниот чин на киднапирање на татко ми, кој за разлика од вас е господин човек, интелектуалец, почитуван и угледен човек кој падна во вашите крвави раце. ЗА СУДИИНЕ ШТО СУДЕА ВО ИМЕ НА ГРАЃАНИТЕ, ДОСТАВИВМЕ ДОКАЗИ ДЕКА НЕ ПОСЕДУВА ИМОТ ВО ГРЦИЈА, но за жал оценија дека основано е сомнението за опасност за бегство во ИЗМИСЛЕНАТА ВИЛА ШТО ЈА ПОСЕДУВАЛ ВО ГРЦИЈА? Ама слободно судиско уверување!? ДОТИЧНАВА НЕМАЛА ПОТРЕБА ДА СЕ ПРАВДА… во здрава држава, никогаш немаше да биде дел од правосудството! Ако остане ова неказнето, да се организира референдум за промена на име од северна, банана да ја крстиме“, објави Чавкова.
Во објавата таа сподели линк од натпис ден по притварањето на Чавков, во кој поранешната шефица на Обвинителството за гонење организиран криминал и корупција, Вилма Русковска, вели дека нема причина да се сомнева на наодите на Бирото за јавна безбедност за опасноста од бегство на Митко Чавков и додава дека нема потреба да се правдаат и дека Обвинителството постапуваат по известување од полицијата.
