Захара Џоли Пит, 20-годишната ќерка на актерскиот пар Анџелина Џоли и Бред Пит, ги покрена шпекулациите за можната свршувачка откако се појавија нејзини фотографии од вечерата во друштво на непознат млад маж во Лос Анџелес – на кои носи впечатлив дијамантски прстен на левата рака.
Двојката го напуштила ресторанот низ задниот излез, но папараците сепак успеале да ги фотографираат додека заедно се упатувале кон автомобилот.
Захара е родена на 8 јануари 2005 година во Етиопија, а Анџелина Џоли ја посвоила уште како бебе. Неколку години подоцна, Бред Пит официјално ја посвоил, давајќи ѝ го презимето Џоли Пит.
Таа моментално студира на колеџот Спелман, престижен колеџ за афроамериканки во Атланта, каде што се запиша на есен 2022 година. Во ноември 2023 година, таа стана членка на сестринската организација Алфа Капа Алфа.
Освен Захара, Анџелина Џоли и Бред Пит имаат уште пет деца – најстариот син Медокс (23), Пакс (21), Шајло (19) и близнаците Нокс и Вивиен, кои имаат по 16 години.
