Кејт Мидлтон и принцот Вилијам ја продолжуваат традицијата за празниците со објавувањето на нивната Божиќна фото-честитка.
Принцот и принцезата од Велс, и двајцата по 43 години, беа главни ѕвезди на нивната годишна божиќна честитка со принцот Џорџ (12), принцезата Шарлот (10) и принцот Луис (7).
Фотографијата, која е направена во април 2025 година од Џош Шинер, беше објавена во четврток, 18 декември, на профилите на социјалните мрежи на кралскиот пар.
На фотографијата, семејството седи на ливада полна со нарциси, опуштени пред камерата. Принцот Вилијам и малиот Луис носат темнозелени џемпери и фармерки, додека принцезата Шарлот, која ја потпира главата на рамото на својот татко, исто така е облечена во зелен џемпер со традиционален дезен и шал.
Фотографијата е дел од истата фотосесија од која семејството претходно сподели фотографии по повод Денот на таткото, како и за родендените на Луис (7 години, во април) и Џорџ (12 години, во јули). Принцезата Кејт не се појави на фотографиите објавени за тие пригоди.
