Кац бара од палестинското население да го елиминира Хамас

Израелскиот министер за одбрана, Израел Кац, денеска соопшти дека израелските сили ја прошируваат воената операција во Појасот Газа.

Кац истакна дека Израел ќе воспостави контрола врз поголеми делови од територијата, додавајќи дека се планира масовна евакуација на населението од областите каде што се водат борби. Тој ги повика жителите на Газа да го елиминираат Хамас и да ги вратат израелските заложници, нагласувајќи дека тоа е единствениот начин за запирање на војната.

Израелските сили веќе создадоа значителна безбедносна зона во Газа, но Кац не прецизираше колку територија дополнително ќе биде ставена под израелска контрола.