Карол Навроцки победи на претседателските избори во Полска откако освои 50,89% од гласовите во вчерашниот втор круг од изјаснувањето

Карол Навроцки победи на претседателските избори во Полска откако освои 50,89% од гласовите во вчерашниот втор круг од изјаснувањето, објави изборната комисија врз основа на 100% од преброените гласачки ливчиња.

Изборната комисија изјави дека Навроцки освоил 50,89% од гласовите, или 10.606.628 гласови, додека неговиот ривал Рафал Тржасковски освоил 49,11%, или 10.237.177 гласови, објавија полските медиуми.

Излезноста беше 71,6%.

- Advertisement -

Навроцки е независен кандидат поддржан од опозициската партија Право и правда, додека Тржасковски е кандидат на владејачката Граѓанска коалиција.

Во првиот круг, 31,92% од гласачите гласаа за Тржасковски, а 30,62% за Навроцки.

На изборите право на глас имаа повеќе од 29 милиони Полјаци.