Експертот за врски д-р ЛаШандра Баптист-Манари смета дека Бјанка Ценсори и Канје Вест се во врска која технички се нарекува пигмалион, а која се случува кога едната страна е крајно доминантна и диктира како другата треба да изгледа и да се однесува.
Докторката се осврнува на драмата „Пигмалион“ на Џорџ Бернард Шо, љубовна приказна за професорот по фонетика Хенри Хигинс, кој ја носи продавачката на цвеќиња Елиза Дутил во својот дом за да ја научи на добри манири и елегантно однесување. Сепак, овде треба да се запрашаме каква е врската помеѓу класното однесување и скандалозните јавни испади на Бјанка…
На некој изопачен начин, Вест би можел да биде олицетворение на Пигмалион, скулпторот од грчката митологија, чија статуа доби вечен живот од божицата Афродита. Копнееше по идеалната жена, а на крајот ја направи од слонова коска според сопствената имагинација. Тој го направи тоа толку совршено што никој од обичните смртници не ѝ беше рамен.
Во својата осаменост Пигмалион, толку се заљубил во неа што ѝ носел подароци, ја украсувал со накит и ја облекувал како да е жива.
Канје направи нешто слично – создаде сосема нов идентитет за својата сопруга, кој одговара на неговата визија. Ова е доказ за нејзиното губење на автономијата, а не за личен раст, тврди д-р Батист-Манари, наведувајќи ги основните „симптоми“ на пигмалионската врска. Бјанка ги манифестира сите.
Прво – ненадејна и екстремна трансформација во стилот, личноста или однесувањето, која изгледа како да не е произволна, туку диктирана од партнерот.
Второ – лицето е под притисок да ги исполни очекувањата на другата страна, но на начини кои ја загрозуваат неговата удобност.
