Кајли Џенер, една од најпознатите жени во светот и членка на риалити кланот Кардашијан-Џенер, овие денови е на одмор во Европа. Таа пристигна во Грција со нејзината најдобра пријателка Анастасија Караниколау, а на 12 јули отишле на вечера во познатиот ресторан „Тасија“ во Фискардо, на грчкиот остров Кефалонија.
Сопствениците на ресторанот Полихронис Дендринос и Тасија Дендрину се пофалија со посетата на Кајли на Инстаграм.
„Ни беше чест што ја угостивме иконата на претприемништвото и глобалната трендсетерка. Кајли Џенер вкуси дел од грчкото гостопримство и кујна. Се надеваме дека повторно ќе ја видиме“, напишаа тие со заедничка фотографија.
Но, објавата, која веројатно ја замислиле како промотивна, предизвика бран критики на социјалните мрежи.
„Чест?! Дали таа откри лек за рак или што?“, „Ајде, те молам… Девојка со пластично лице. Не претерувајте“, „Благодарам би било доволно, ова е непотребно додворување и понижување“, „Чест за што? Затоа што е пластична и лаже за тоа, а ги тера младите девојки да се чувствуваат несигурно?“, „Тоа не ви е реклама за тебе, тоа ви е срамота!“, „Сега знам каде нема да одам“, продолжија коментарите.
Сепак, некои корисници го бранеа ресторанот, сметајќи дека реакциите беа претерани: „Ако Кајли Џенер дојде во мојот ресторан, секако дека ќе го објавам тоа“, „Ова е чиста љубомора“.
Инаку, ресторанот „Тасија“ е навикнат на познати гости. Пред Кајли, пензионираниот НБА-легенда Меџик Џонсон вечерал таму.
Во 2022 година, тие ја угостија и холивудската актерка Деми Мур, истакнувајќи дека „нејзината безвременска убавина и силна личност ни ги освоија срцата“. Меѓу претходните гости беа Семјуел Л. Џексон, синот на кралицата Камила Том Паркер Боулс, основачот на „Дизел“ Ренцо Росо, но и контроверзниот американски сенатор Боб Менендез.
Кајли Џенер, која следниот месец полни 28 години, го поминува летото на европска турнеја. На Кефалонија, таа уживаше во коктели и јахтинг со нејзината долгогодишна пријателка Анастасија Караниколау, Американка со грчко потекло. Нивното пријателство датира од основно училиште, кога се запознале во книжарница „Барнс и Нобл“ во Калабасас во 2010 година.
Во 2019 година, тие заедно го истетовираа зборот Сторми, во чест на ќерката на Кајли со раперот Тревис Скот. Покрај Сторми, Џенер има и син, Аир, а беше во турбулентна врска со Тревис до 2022 година.
Нејзиното момче, холивудскиот актер Тимоти Шаламет, кој се подготвува да го снима третиот дел од научно-фантастичниот хит „Дина: Месија“, не е со неа на нејзиното патување во Европа.
