Италијанските гиганти во борба за фудбалер, привлекува внимание кон себе на Светското клупско првенство

Италијанските фудбалски гиганти Интер и Рома започнаа преговори со бразилскиот Палмеирас за потенцијален трансфер на Ричард Риос, 25-годишен играч од средниот ред кој импресионираше со своите настапи на Светското клупско првенство во САД, објавуваат италијанските медиуми.

Риос, колумбиски репрезентативец, имаше необичен пат кон професионалниот фудбал – ја започна својата кариера во футсал, а се приклучи на Фламенго дури на 19-годишна возраст.

По три години, тој се пресели во второлигашот Гуарани, а последните две и пол сезони играше за Палмеирас, со кого ја освои титулата во бразилското првенство во 2023 година.

- Advertisement -

Палмеирас му плати на Риос само 1,4 милиони евра, а досега постигна 11 голови и регистрираше 10 асистенции за клубот од Сао Паоло – познат по прекарот „Папагали“.

Неговиот договор е до декември 2028 година, а Палмеирас постави цена од 30 милиони евра во преговорите со Интер и Рома.