Истрагата покажала дека немало истекување ниту јаглерод моноксид

Смртта на легендарниот актер Џин Хекман (95) и неговата сопруга Бетси Аракава (63) не е последица од истекување на гас, соопштија во вторникот властите во Ново Мексико, пренесува „Си-ен-ен“.

Компанијата за гас од Њу Мексико потврдила дека „нема значајни наоди“ во опсежната истрага за истекувањето на гас и јаглерод моноксид во домот на брачната двојка, соопшти канцеларијата на шерифот на округот Санта Фе.

Компанијата, меѓутоа, соопшти дека во текот на истрагата открила едно „мало истекување“ на еден од шпоретите на гас и четири прекршоци поврзани со инсталациите за палење на бојлерот и каминот, се наведува во соопштението.

- Advertisement -

„Се верува дека овие резултати не придонеле за смртта на Џин Хекман, Бетси Аракава или нивното куче“, соопшти канцеларијата на шерифот, според „Си-ен-ен“.

Канцеларијата соопшти дека ја предала информацијата до канцеларијата на лекарот.

Хекман и Аракава, заедно со нивното куче, беа пронајдени мртви во дом во Ново Мексико во околности кои властите претходно ги сметаа за „доволно сомнителни“ за да започнат темелна истрага, а причините за смртта се уште не се познати.

Хекман и Аракава немале траума на нивните тела, а прелиминарните обдукција не покажале знаци на насилна смрт. Немаше знаци за истекување на јаглерод моноксид или природен гас, соопштија властите.

И Хекман и неговата сопруга биле негативни на тестот за јаглерод моноксид, веројатно исклучувајќи го како можна причина за смрт, рекол шерифот на округот Санта Фе Адан Мендоза.

Телата на парот ги открил работник во нивниот дом во средата. На прес-конференција, шерифот рече дека двојката „веќе некое време била мртва“, но не можеше да прецизира колку долго. Инспекторите се обидуваат да утврдат кој и кога последен пат бил во контакт со Хекман и Аракава.