Иран им забрани на своите спортски тимови да патуваат во „непријателски“ земји

Иран им забрани на своите спортски тимови да патуваат во „непријателски“ земји.

Наредбата важи до понатамошно известување и се однесува на националните репрезентации и спортските клубови, соопштија локални медиуми.

Мерката е донесена речиси четири недели по почетокот на војната меѓу Иран, од една страна, и САД и Израел, од друга.

- Advertisement -

„Министерството за спорт соопштува дека присуството на национални тимови и клубови во држави кои се сметаат за непријателски и неспособни да ја гарантираат безбедноста на иранските спортисти и членовите на тимовите е забрането до понатамошно известување“, се наведува во одлуката.

Неодамна се појави полемика околу учеството на женската фудбалска репрезентација на Азиското првенство што се одржа во Австралија.

Канбера предизвика гнев во Техеран откако им додели азил на шест спортистки и еден член на стручниот штаб. Тие беа означени како предавници во Иран откако одбија да ја пеат националната химна пред натпревар. Пет од фудбалерките подоцна ја променија одлуката и се вратија во татковината.