INclusive Disco одбележува 4 години успешно работење со роденденска прослава

Топ Вести - Слушај сега

INclusive Disco одбележува 4 години успешно работење со роденденска прослава

- Advertisement -

Охрид, декември 2025 – Ноќниот клуб INclusive Disco, еден од најпрепознатливите забавни локали во Охрид, на 20 декември го одбележува четвртиот роденден со специјална роденденска забава на која ќе настапи Ѓоко Танески.

Во изминатите четири години, INclusive Disco изгради препознатлив идентитет на простор кој промовира инклузивност и различност. Преку тематска програма, разновидни музички настани и отвореност кон сите генерации и музички стилови, клубот се позиционираше како место каде што секој посетител е подеднакво добредојден.

„INclusive не е само ноќен клуб – тоа е концепт, заедница и идеја која публиката ја препозна и ја прифати”, истакнуваат од клубот.

Според тимот на INclusive Disco, токму лојалноста и поддршката на посетителите се клучен фактор за успешното работење на клубот во текот на овие четири години.

По повод јубилејот, менаџментот на клубот упати благодарност до сите гости, пријатели и соработници кои беа дел од овој период и придонесоа за реализација на визијата на клубот.

Роденденската прослава е закажана за сабота, 20 декември, во просториите на INclusive Disco во Охрид.