Илон Маск стана првиот човек чие богатство надминува 600 милијарди долари

Топ Вести - Слушај сега

Илон Маск стана првата личност чија нето вредност надмина 600 милијарди долари, според пресметките на списанието „Форбс“ објавени во понеделник.Зголемувањето на богатството на Илон Маск беше поттикнато од неодамнешната продажба на акции во вселенската компанија на Маск, „СпејсИкс“. „Форбс“ ја искористи цената утврдена во трансакциите за да процени повисока вкупна вредност за компанијата, што пак ја зголеми пресметката на уделот на Маск.

- Advertisement -

Само неколку часа претходно, Форбс ја процени нето вредноста на Маск на околу 500 милијарди долари. Богатството на Маск е првенствено поврзано со неговите удели во производителот на електрични автомобили Тесла и Спејс Екс.

За разлика од Тесла, Спејс Екс е во приватна сопственост, што значи дека цената на неговите акции не се одредува на берзата. Во такви случаи, проценките се базираат на рунди на финансирање или продажба на акции од страна на вработените и може значително да се разликуваат од конечната пазарна вредност.

Врз основа на цената по која вработените би можеле да ги продадат своите акции, Форбс ја пресмета вкупната вредност на Спејс Екс на 800 милијарди долари, што е зголемување од претходната проценка од 400 милијарди долари. Со оглед на тоа што Маск поседува приближно 40 проценти од Спејс Екс, ревидираната проценка на Форбс ја зголеми неговата проценета нето вредност на 677 милијарди долари.