Илјадници диви коњи во источна Австралија се застрелани, и тоа со пукање од хеликоптери

Илјадници диви коњи во источна Австралија се застрелани, и тоа со пукање од хеликоптери. Убивањето на коњите е во рамките на контроверзен план за контрола на нивната популација, со цел да се заштити природната средина, јавија австралиските медиуми.

Дивите коњи, познати како „брамби“, веќе 200 години се присутни во Националниот парк Косцјушко во Снежните Планини во државата Нов Јужен Велс. Тие се дел од австралиската култура и се споменуваат во песните, романите и во филмовите.

Властите на Нов Јужен Велс имаат план да ја намалат нивната популација од  14.380 на 3.000 коњи до 2027 година. Методите вклучуваат заловување и преселување, а во случаите кога тоа не е возможно – отстрел од земја и воздух.

- Advertisement -

Министерката за заштита на животната средина во Нов Јужен Велс, Пени Шарп, денеска изјави дека отстрелот од хеликоптери веќе не е неопходен, бидејќи популацијата е намалена на околу 3.000 коњи.

Заштитниците на природата тврдат дека дивите коњи, кои не се автохтон вид, сериозно го загрозуваат екосистемот во паркот Косцјушко, каде ги уништуваат  влажните зони и ги загрозуваат локалните видови.