Холивудската актерка шокираше со фустанот на Оскарите

Холивудската актерка Оливија Вајлд беше една од најзабележаните по доделувањето на Оскарите, а нејзиниот разголен фустан ја подели јавноста – некои велат дека тоа е промашување, други чиста романтика.

Помеѓу холивудските ѕвезди кои се прошетаа на црвениот тепих во пресрет на 97-то доделување на Оскарите во Лос Анџелес беа бројни ѕвезди, а на забавата по Оскарите беше и Оливија Вајлд која привлече огромно внимание со својот моден избор.

- Advertisement -

Знаеме дека е многу посветена на здравиот начин на живот, дека оди во теретана речиси секој ден и дека има беспрекорна фигура, но… мораше ли на овој начин да ја покаже?

Убавата актерка, која лани ја прекина врската со младиот пејач Хари Стајлс, облече фустан од модната куќа „Клое“, совршено лелеав и идеален за пролетните и летните вечери.

Воздушната креација Оливија ја носеше на забавата организирана од магазинот „Венити фер“, а под проѕирниот материјал јасно се гледаа нејзините „гаќички“, како и фактот дека го оставила градникот дома.

Сензуалниот фустан всушност има постава во форма на долна облека, а во пределот на градите и на „интимните“ зони е слоевит. Должина е до подот, а на крајот има мали карнери кои го прават неверојатно романтичен, фантастичен за романтични вечери на отворено…

Го искомбинирала со минималистички сандали и златна чанта, а нејзината фризура била пригодна и за романтично излегување.

Оливија провокативно им позираше на фотографите и самоуверено го покажа ова сензуално парче, па не е изненадување што заработи многу комплименти.

„Прекрасна е“, „Совршена“, „Кралица“, „По ѓаволите, таа изгледа толку добро. Толку сум вљубен во неа што веќе не е смешно“, „Боже мој“, коментирале некои, но имало и такви кои мислеа дека вакво нешто не е соодветно за Оскар.

„Ноќница за Оскарите“, „За Оскарите, нема вкус“…

Инаку, фустанот што го носела Оливија Вајлд чини 7.500 евра!