На самитот ТАЈМ100 во Њујорк, беше забележан еден донекаде непријатен момент кога Меган Маркл не го забележа гестот на принцот Хари. Двојката пристигна заедно на настанот, но Меган во повеќе наврати не реагираше на испружената рака на Хари, оставајќи го неспретно да стои настрана.
Додека излегувала од автомобилот, Хари се обидел да ѝ ја подаде раката на Меган, но таа, очигледно несвесна за тоа, ги прегрнала насобраните без воопшто да го погледне. Принцот Хари останал да стои зад неа, со рацете во џебовите. Истиот момент се повторил неколку минути подоцна кога Меган, зафатена со мавтање кон народот, повторно помина покрај својот сопруг, кој останал еден чекор зад неа.
Експертката за говор на телото Џуди Џејмс изјавила за „Дејли мејл“: „Без разлика дали Хари води или се повлекува во позадина, се чини дека игра улога на „резервен“, правејќи малку неспретни пози, додека Меган изгледа самоуверено и е во центарот на вниманието“.
Џејмс ги анализирала нивните гестови по пристигнувањето: „Се чини дека Меган го води главниот збор, додека Хари трча зад неа. Меган користи препознатлив невербален знак – рацете свиткани под агол од 45 степени и зглобовите опуштени – таканареченото „скршено крило“, што сигнализира статус и посебност.“
Таа исто така додала и дека Меган е таа што „ги контролира камерите“ и иницира пријателски прегратки, додека Хари чека настрана, што некогаш би било незамисливо.
„Неговиот израз е понапнат, помалку насмеан од оној на Меган“, вели Џејмс
