Палестинската милитантна организација Хамас ја предупредува израелската војска дека заложниците држени во Појасот Газа би можеле да бидат убиени во случај на нови воени операции, јави ДПА.
– Секоја ескалација на агресијата против палестинскиот народ може да доведе до убиство на голем број од тие луѓе кои сè уште се држат во заробеништво во Газа – рече портпаролот на Хамас Абу Обаида во видеообраќање.
Тој истакна дека ќе го смета Израел за одговорен за смртта на заложниците, како и за непридржувањето до договорот за Газа.
Според израелските информации, исламистите во Појасот Газа сè уште држат 24 заложници и 35 тела на киднапираните.
Според израелски извори, меѓу живите заложници е и еден млад војник кој има и израелска и германска националност. Дополнително, приведени се еден тајландски државјанин и телата на уште неколку странци.
Заложниците кои се ослободени пријавиле глад и малтретирање од страна на Хамас и другите исламисти.
Семејствата на киднапираните стравуваат дека времето за преостанатите живи заложници истекува.
