Фон дер Лајен до израелскиот премиер: Дипломатијата е најдобро решение за конфликтот со Иран

Претседателката на Европската комисија (ЕК), Урсула фон дер Лајен, изјави дека во телефонски разговор со израелскиот премиер Бенјамин Нетанјаху во неделата, таа рекла дека дипломатијата е најдоброто долгорочно решение за конфликтот со Иран.

Сепак, претседателката на ЕК не повика на итен прекин на огнот, наведувајќи дека „Иран очигледно не треба да има нуклеарно оружје“.

„Но, секако мислам дека решението преку преговори, на долг рок, е најдоброто решение“, додаде Урсула фон дер Лајен на првиот ден од самитот во Канада на Групата на напредни економии, во која се вклучени САД, Јапонија, Германија, Обединетото Кралство, Франција, Италија и Канада, како и ЕУ.Урсула фон дер Лајен изјави дека Нетанјаху ветил дека ќе направи повеќе за да обезбеди помош за воено разорениот Појас Газа.

- Advertisement -

„Инсистирав дека хуманитарната помош што не стигнува до Појасот Газа мора да влезе на територијата. Тој (Нетанјаху) вети дека ќе го стори тоа“, изјави таа пред новинарите во Кананаскис, западна Канада, каде што се одржува самитот на Г7.