Во тивката  Битола град на конзулите, зад фасадата на сув правен жаргон и стечајни рочишта, се одвива она што истражувачи, правни аналитичари и погодени граѓани го нарекуваат „измамата на векот” , организиран финансиски криминал со вредност над 30 милиони евра, поддржан од мрежа на поврзани лица, молчевлив судија и институции кои , наместо да постапат , избираат тишина.

Компанијата во центарот на аферата е СН Осигурителен Брокер АД Битола , некогаш најголемиот осигурителен брокер во Република Северна Македонија по бруто полисирана премија, број на вработени и мрежа на подружници. Компанија со 106 вработени, 28 подружници, и портфолио на осигурителни полиси чии вкупни премии надминуваа 29 милиони евра годишно , едноставно исчезна. Преку ноќ. Без трага.

I. Главниот актер Фактор ИН: Кој ја командува измамата?

- Advertisement -
Ad image

Финансиското друштво ФД Фактор ИН ДОО Скопје е основано во 2020 година , само неколку години пред да се отвори стечајот. Основачи: Даница Џутевска од Струга и Владе Пазарџиевски од Ресен, двајца кои живеат во Скопје. Во официјалните документи на стечајната постапка (Ст.бр.52/25), Фактор ИН се пројавува со позиција на најголем стечаен доверител , со побарувања кои надминуваат 469,8 милиони денари.

„Камата од 30,45 милиони денари без јасна каматна стапка = можна зеленашка камата. Нетранспарентни цесии = ризик од перење пари. Масовно побарување од еден доверител = организиран криминал?”

— Анализа на побарувањата

Какви кривични дела ги прекршиле Фактор ИН?

 Правна рамка — Кривичен законик на РСМЧлен 247 — Измама:Создавање на лажен впечаток со цел стекнување имотна корист. Поднесувањето нетранспарентни, фиктивно нагомилани побарувања во стечајна постапка директно потпаѓа под оваа одредба. Казна: до 5 години затвор.

Член 254 — Лажен стечај:Намерно предизвикување или злоупотреба на стечајна постапка со цел оштетување на доверителите. Казна: до 8 години затвор.

Член 273 — Перење пари:Нетранспарентните цесии и трансферот на побарувања без јасна документација укажуваат на можно перење пари. Казна: до 10 години затвор.

Член 278 — Зеленаштво:Камата без договорена каматна стапка во износ над 30 милиони денари , класична зеленашка практика. Казна: до 3 години затвор.

Член 394 — Злосторничко здружување:Доколку се докаже координирано дејствување на повеќе лица, сите учесници во шемата потпаѓаат под организиран криминал. Казна: до 15 години затвор.

Клучното прашање кое ниту еден надлежен орган јавно не го постави: Кој е реалниот сопственик на Фактор ИН? Дали Џутевска и Пазарџиевски се само „лица на прозорецот” зад кои стои поголема структура на моќ , дел од она што граѓанскиот сектор го нарекува „длабоката држава”? За кого навистина игра Фактор ИН Скопје?

II. Судска власт Судија Иван Колевски: Стечајниот судија кој молчи

Стечајната постапка со ознака Ст.бр.52/25 се води пред Основниот суд во Битола. Одговорниот стечаен судија: Иван Колевски. Неговата улога во оваа афера е, според сите достапни индиции, критична и длабоко сомнителна.

Хронологија на сомнителните одлуки

Мај 2025
Отворен стечај Основниот суд Битола, по предлог на четворица доверители, ја отвора стечајната постапка. За управничка определена Даниела Блажевска.
Авг 2025
Блажевска ги оспорува 220,8 милиони денари Стечајната управничка оспорува скоро 47% од вкупните побарувања на Фактор ИН , врз основа на Правното мислење на Врховен суд од 25.05.2021.
Ноември  2025
Полноќна смена на Блажевска Управничката е сменета експресно, без јавно образложение. Судот не ги прифаќа нејзините оспорувања. Медиумите немаат информации за решението.
Март 2026
Колевски сè уште молчи – Истражувачките редакции не добиле одговор на барањата за коментар. ГОКК и Финансиска полиција не постапиле.

Кои членови од закон ги прекршил судијата Колевски?

Правни повреди — Судски и Кривичен законЗакон за стечај, членови 139–146:Судот е должен да го утврди редоследот на намирување и основаноста на разлачните права. Прифаќањето на побарувања без форензичка проверка претставува директна повреда.

Закон за стечај, член 106:„Судот е должен да ги утврди материјалните факти важни за донесување законита одлука.” Колевски не побарал форензичка ревизија иако долгот пораснал 100 пати за три години.

Закон за судовите — Начело на независност:Полноќната смена на управничката без образложение укажува на надворешен притисок врз судскиот процес.

Кривичен законик, член 353 — Злоупотреба на службена положба:Доколку се докаже дека одлуките биле донесувани по наредба или во корист на одредени лица , максимална казна 8 години затвор.

Кривичен законик, член 378 — Фалсификување исправа:Промената на основот на побарувањата, создавањето фиктивни документи , казна од 6 месеци до 5 години затвор.

III. Жртви фиктивни должници: Земјоделци, Нотари и Државни Институции

Еден од најшокантните аспекти на аферата е листата на „должници” на СН Осигурителен Брокер , листа која, по сè изгледа, е систематски измислена. Над 100 семејства само од Ресен, стотици земјоделци од руралните средини, нотари, адвокати, извршители, па дури и државни институции , сите „должат” на осигурителен брокер.

Логичкото прашање, кое ниту институција не го поставила: Дали некој земјоделец од Долнени навистина позајмил пари од осигурителен брокер? Механизмот е добро познат кај форензичарите на финансиски криминал: создај фиктивни побарувања, инјектирај ги во стечај, па нагоди ги надлежните да не гледаат.

IV. Институционална тишина Финансиска Полиција и ГОКК: Две години молчење

Управата за финансиска полиција е, според Законот за финансиска полиција, надлежна токму за вакви случаи: осигурителни измами, перење пари, лажен стечај, злосторничко здружување. Членовите на Кривичниот законик кои се директно применливи на оваа афера , 247, 254, 273, 278, 394 , се во нејзина директна надлежност.

Сепак, наспроти јавно достапните документи, наспроти официјалните стечајни списи, наспроти стотиците граѓани на фиктивни листи , институциите не постапиле. Ниту Финансиска полиција. Ниту ГОКК. Ниту Агенцијата за супервизија на осигурување (АСО), која имала обврска да реагира уште кога долгот на Евроинс скокнал за 400 милиони денари за само 30 дена.

„Дали се игра на врeмe , за да се заборави измамата? Кој им командува на оние кои треба да командуваат со правдата?”

Тишината на институциите не е случајна. Во системи каде организираниот криминал се испреплетува со политичката моќ, тишината е оружје. Секој изгубен месец е ослабени докази, заборавени сведоци, исчезнати трансакции. Тоа е и целта.

V. Барања што мора да се случи — Веднаш

VI. Заклучок : Отворена рана на македонскиот правен систем

Стечајот на СН Осигурителен Брокер АД Битола не е обичен корпоративен колапс. Тоа е огледало на системска корупција , место каде финансиски инструменти (факторинг, цесии, стечајни побарувања) се злоупотребувани за извлекување на средства, каде судиите молчат или се под притисок, каде надзорните институции гледаат на страна, а организираниот криминал работи со прецизноста на добро подмачкана машина.

Зад Фактор ИН стојат имиња (ќе ги обелодениме од прв до последен). Зад тие имиња стојат структури. Зад тие структури стои она што граѓаните на Македонија сè почесто го нарекуваат со едно име: длабоката држава.

Прашањата се јасни. Доказите се во официјалните документи. Жртвите се вистински. Единственото нешто кое недостасува е правда.