Еврозоната има трговски суфицит од 162 милијарди евра

Еврозоната, според прелиминарните процени во ноември забележа суфицит од 16,4 милијарди евра во стоковната трговија со другите земји од светот, објави денеска Евростат.

Вредноста на извозот на стоки од еврозоната во светот во ноември 2024 година изнесува 248,3 милијарди евра, што претставува намалување од 1,6% на годишно ниво, додека увозот во исто време е намален за 1% на годишно ниво на 231,9 милијарди евра.

Евростат наведува дека во периодот од јануари до ноември 2024 година еврозоната забележа трговски суфицит од 161,9 милијарди евра, додека во истиот период во 2023 година е забележан многу помал суфицит од 40,9 милијарди евра.

- Advertisement -

Во ноември, Европската Унија забележа трговски суфицит од 14,3 милијарди евра во стоковната размена, додека во истиот месец од 2023 година е забележан суфицит од 17,2 милијарди евра.