Музичката ѕвезда Џенифер Лопез настапи во Дубаи на отворањето на хотелот „One&Only One Za’abeel“, а иако за него заработи дури пет милиони долари, настанот не помина без контроверзии.
Имено, Џенифер за настапот избрала неколку различни стајлинзи, а заедно со комбинацијата ролка со светки и бели панталони, најмногу внимание привлекле двата тесни комбинезона со светки.
Таа ги извела песни „Dinero“, „Jenny From The Block“, „Ain’t It Funny“, „I Will Survive“, „Let’s Get Loud“, а воодушевување предизвикала песната „Louboutins“, која вообичаено не ја изведува на концерти.
Снимките од нејзиниот настап ги преплавија социјалните мрежи, но целиот настап не помина без контроверзии.
Според британскиот весник „Сан“, Џенифер Лопез добила дури 5 милиони долари за да биде почесен гостин на отворањето на хотелот со пет ѕвезди откога претходно тврдела дека нема да настапи.
Проблем со нејзиниот настап на овој настан имала ЛГТБИК+ заедницата во САД, која ја сметаше Џенифер за геј-икона, а ја критикуваа поради законот во Обединетите Арапски Емирати, кои ги забрануваат истополовите врски.
Следувале доста остри реакции, па Џеј Ло ја нарекле лицемерна затоа што одлучила да настапи во таква земја.
На гламурозната вечер присуствуваа и актерите Ванеса Хаџенс и Идрис Елба.
