Еве што мисли Србинот за Надал и за Федерер

Освојувачот на 24 Гренд слем титули, Новак Ѓоковиќ, не крие дека е при крајот на кариерата, а по поразот од Јаник Синер во полуфиналето на Ролан Гарос, рече дека ова веројатно бил неговиот последен натпревар на Отвореното првенство на Франција.

Србинот во моментов е без тренер, но се подготвува за Вимблдон, верувајќи дека таму има најголеми шанси да освои уште една голема титула.

Ѓоковиќ даде интервју за германското издание „20 минутен“ и во него откри интересни работи.

- Advertisement -

– Никогаш не сум бил сакан како Надал и Федерер затоа што можеби не требало да бидам на тоа место. Бев најмладиот, третиот што пристигна, велејќи дека сакам да бидам број 1. На многу луѓе тоа не им се допадна – рече Ѓоковиќ.

Фактот дека некој ми е најголем ривал, продолжи тој, не значи дека имам лошо мислење за него, дека го мразам или дека би направил сè на теренот за да го повредам.

– Секогаш игравме за да победиме и најдобриот човек победуваше. Како дете, понекогаш се чувствував непосакуван и се прашував зошто, бидејќи тоа ме болеше. Потоа верував дека навивачите ќе ме прифатат ако се однесувам поинаку, но тоа не би бил јас. Знам дека сум личност со многу недостатоци, но секогаш се обидував да ги правам работите со срце. Имав добри намери да останам верен на себе. Секогаш ги почитував Федерер и Надал, никогаш не сум рекол лош збор за нив, никогаш нема да кажам. Но, секогаш се сложував подобро со Рафа отколку со Роџер – призна Ѓоковиќ.