Еко-активисти ја презедоа одговорноста за кражбата на статуа

Две жени и еден маж, маскирани како вработени во музеј во Париз, ја украле восочната статуа на францускиот претседател Емануел Макрон. Тие ја изнеле статуата преку излезот за итни случаи. Инцидентот се случил рано изутрина во музејот Гревен кој ја чува најголемата колекција на вакви фигури во Франција.

Според радиото Франсинфо, сторителите ја завиткале статуата во ќебе и незабележано ја изнеле од зградата. Неколку часа подоцна, музејот добил повик од маж кој тврдел дека е активист на „Гринпис“ и ја презел одговорноста за кражбата.

Управата веднаш го пријавила случајот во полиција. Вредноста на фигурата се проценува на 40.000 евра.

- Advertisement -

Ова не е прв ваков случај во Гревен. Во 1980 година, група моторџии незадоволни од нов данок за мотори ја украле статуата на тогашниот претседател Валери Жискар д’Естен. Во 1993 година, исчезнала фигурата на Жак Ширак, кој тогаш беше градоначалник на Париз.

Полицијата трага по осомничените и испитува дали зад кражбата навистина стои еколошки мотив.