Екипажот на мисијата „Артемис II“ постави нов историски рекорд. Астронаутите станаа луѓе кои отпатувале најдалеку од Земјата

Екипажот на мисијата „Артемис II“ постави нов историски рекорд. Астронаутите станаа луѓе кои отпатувале најдалеку од Земјата. Со тоа го надминаа достигнувањето на мисијата „Аполо 13“ од 1970 година.

Според НАСА, новата мисија ќе достигне растојание од околу 406.700 километри, што е за повеќе од 6.600 километри подалеку од претходниот рекорд.

Мисијата „Аполо 13“ пред повеќе од 50 години направи спасувачко свртување кон земјата откако се оддалечи на 400.071 километри. Екипажот го сочинуваа астронаутите Џим Ловел, Фред Хејс и Џек Свејгерт. Мисијата „Аполо 13“ требало да слета на Месечината, но експлозија во резервоар со кислород направила проблеми па морале да се вратат.

- Advertisement -

„Артемис II“ следи слична траекторија, но со патека во форма на бројка осум околу Месечината, без да влезе во орбитата на Месечината и без да слета. Оваа патека овозможува леталото да се оттурне подалеку од Земјата отколку било која претходна мисија со екипаж.

– Ова го правиме во чест на извонредните напори и достигнувања на нашите претходници во истражувањето на вселената – изјави еден од астронаутите.

Тој нагласи дека екипажот ќе продолжи уште подалеку пред гравитацијата да ги врати назад кон Земјата.

– Апелирам до оваа генерација и до следната да се погрижат овој рекорд да не трае долго – додаде тој.

Астронаутката Кристина Кох изјави дека тимот не се фокусира на рекордите, но ја призна важноста на овој момент.

– Ова е пресвртница што луѓето можат да ја разберат и видат, бидејќи го поврзува минатото со сегашноста и иднината – рече таа.

Кристина ќе биде првата жена која технички отпатувала до Месечината во историјата.