Едно лице загина, а три се повредени при уривање на мост на автопат во близина на градот Ла Лувиер, на југот на Белгија, соопштија властите.
Градоначалникот Жак Гобер за новинската агенција Ројтерс изјави дека работник кој бил хоспитализиран во критична состојба им подлегнал на повредите.
Тројца други колеги се повредени кога дел од челичниот мост се урна врз шлеп кој бил закотвен на местото за отстранување на остатоците.
Според белгиската агенција Белга, во моментот на уривањето на мостот работеле дванаесет лица.
Несреќата се случила на мост на автопатот Е42 кој поминува низ канал во близина на градот Ла Лувиер во Белгија.
