Двете заедно имаат годишен увоз од 15,6 милијарди долари од земјите од Заливот

Затворањето на Ормускиот теснец за комерцијален транспорт го чувствуваат и земјите од Европската Унија, а  Италија и Белгија се најзагрозени, според студија на Институтот за разузнавање на снабдувачки синџири Австрија (ASCII), Центарот за наука за сложеност (CSH) во Виена и Технолошкиот универзитет Делфт.

Во Европската Унија, најзагрозена е Италија, која годишно увезува стока во вредност од околу 9,8 милијарди долари од земјите од Персискиот Залив. Бројката го вклучува и увозот на течен гас од Катар во вредност од околу 4,4 милијарди долари годишно и пропан во вредност од приближно 3,2 милијарди долари.

Белгија, од друга страна, увезува катарски ТПГ во вредност од околу 5,8 милијарди долари годишно, главно преку пристаништето Зебриж, и е многу изложена на економски ризици, покажа истражувањето.

- Advertisement -

Заедно со трговијата со гас, Ормутскиот теснец е исто така важна рута за светската трговија со дијаманти, кои патуваат од Обединетите Арапски Емирати до Антверпен.

Германија годишно увезува стока во вредност од приближно 5,7 милијарди долари, главно од Обединетите Арапски Емирати, првенствено бродови, јахти и индустриска опрема, во вредност од 4,2 милијарди долари.

Вредноста на увозот од Катар, главно пропан и специјални гасови, изнесува околу 600 милиони долари.

Пошироката област на Европа покажува најголем ризик за Обединетото Кралство, кое годишно увезува стока во вредност од околу 12,9 милијарди долари од регионот на Блискиот Исток, а приближно 5,9 милијарди долари отпаѓаат на гасни производи од Катар.

– Економските ефекти во голема мера ќе зависат од времетраењето на иранската блокада. Ако трае подолго од четири недели, прекините би можеле да се прошират низ глобалните синџири на снабдување – вели авторот на истражувањето Стефан Тернер.

Иран ја презеде контролата врз Ормускиот теснец по нападот на САД и Израел, забранувајќи го транзитот на бродови поврзани со САД, Израел, европските земји и нивните сојузници.